Almost Parisian

disambiguation: Не е „Како да бидеш парижанка”. За таа фантастична книга пишував овде.

Оваа е друга, сме збореле, насловот е

„Скоро парижанка

или

како да ги преживееш своите доцни дваесетти

…во Париз”

Да, долг е насловот. Ај на англиски, како што му е оригиналот, со нешто помалку од 5 ѕвезди на Амазон:

Almost Parisian, 

or

How to survive your late twenties

…In Paris

Ама тоа сме го учеле.

Новото е што сега има нова корица (што е живи прекраснотии, фала на дизајнерскиот тим на Арс Ламина), и се продава во Литература.мк на ул. Македонија. Во случај да не ви звучи познато, тоа е онаа фантастична книжара на нивоа, со многу црвено, одма до Мекиците на стража (или како и да му е сега името). Ја има и во Рамстор на нивниот штанд. Може да се нарача и од сајтот на Литература.мк, а ќе ја има наскоро по сите градови во Македонија.

Сите што ја прочитале ја доживуваат како романтична комедија, што е точно, жанровски книгата е таму, кај што сакав да биде. Па сепак, не е толку важно „дали ќе се фатат”. Мене ми беше поважно да го пораснам главниот лик, за на крај да биде мирен. Што значи дека некаде во описот би се нашло и она „барање себеси”, само без запаѓање во ненормални длабочини. Ако не рачунате пукната цевка во купатило.

Ќе си прочитате.

Од другите вести, втората книга ми е најпродавана во Арс Ламина за 2017-та! И особено ми е јако тоа со оглед на тоа што излезе во октомври 2017.

Се вика „Анаис од Монмартр”. И луѓето тврдат дека е подобра од „Скоро парижанка”.

Мене свеедно. Кориците ми се убави ❤

Овде имате Извадок од „Скоро парижанка”.

Овде интервју за двата романи.

Буб.

J.